عايزة المانجو تفضل معاك طول السنة؟ اتعلمي أسرع طريقة لتخزينها في الفريزر من غير ما طعمها يتغير

المانجو واحدة من الفواكه الصيفية المفضلة للجميع بطعمها الحلو وفوائدها الكتير، لكن المشكلة دايمًا إن موسمها قصير علشان كده، كتير من الناس بيدوروا على طريقة مضمونة تخليهم يحتفظوا بيها لأطول فترة ممكنة من غير ما تفقد طعمها أو لونها وفي المقال ده هنعرفك على خطوات سهلة وفعالة لتجميد المانجو في الفريزر بطريقة صح.

الخطوات الصحيحة لحفظ المانجو في الفريزر

لو ناوية تخزني المانجو من غير ما تبوظ أو يتغير طعمها، امشي على الخطوات دي:

• اختاري المانجو اللي لونها أصفر ومتماسكة، يعني مش طرية بزيادة.
• اغسليها كويس بمية جارية علشان تنظفيها من أي بقايا تراب أو مبيدات.
• قشريها وقطعيها لمكعبات أو شرائح على حسب الاستخدام اللي ناوية عليه بعدين.
• شيلي البذرة خالص لأنها ممكن تغير طعم المانجو أثناء التخزين.
• لو عايزة تحافظي على اللون، رشي شوية عصير ليمون على القطع.
• افردي المانجو على صينية عليها ورق زبدة وسيبيها في الفريزر ساعتين لحد ما تتجمد كويس.
• بعد ما تجمد، حطيها في أكياس تفريز أو علب محكمة الغلق.

ليه مهم تحفظي المانجو بطريقة صح؟

تخزين المانجو بشكل سليم مش بس بيخليها تعيش وقت أطول، ده كمان بيساعدك تحافظي على قيمتها الغذائية:

• المانجو مليانة فيتامين C ومضادات أكسدة مهمة لصحتك.
• تقدر تستخدميها في العصائر، الحلويات أو حتى سموثي منعش في أي وقت.
• التخزين الصح يمنع الطعم من إنه يتغير أو يفقد نكهته.
• بدل ما الفاكهة تبوز وتتريمي، ممكن تستفيدي منها في وصفات طول السنة.

نصائح ذهبية لتجميد المانجو لفترة طويلة

• اتأكدي إنها اتجمدت كويس قبل ما تنقليها للأكياس، علشان ما تلتصق ببعض.
• قسمي الكمية حسب الاستخدام، يعني كميات صغيرة تسهّل عليك التحضير.
• ما تسيبيهاش برا الفريزر بعد ما تطلعيها علشان ما تذوب وتفقد نضارتها.
• فرغي الهوا من الكيس كويس علشان ما يحصلش احتراق بالتجميد.
• المانجو المجمدة مناسبة جدًا للعصائر، أطباق الحلو، أو حتى مع الزبادي.