متخليش العيد يفوتك.. اعرف موعد صلاة العيد الاضحى المبارك 2025 في محافظتك

مع قرب حلول العيد الكبير بيكتر البحث على جوجل وفيسبوك عن موعد صلاة العيد الاضحى المبارك 2025 وده لأن ملايين المصريين بيحبوا يبدأوا يومهم بصلاة العيد وتكبيراته الجميله اللي بتملئ المساجد والشوارع بفرحه مفيش زيها، في المقال ده هتلاقي كل التفاصيل المهمه عن توقيت صلاة العيد الاضحى المبارك في كل المحافظات وكمان نعرف مع بعض إمته تبدأ تكبيرات العيد وايه هي الصيغه المشهوره في مصر علشان تستعد تستقبل العيد .

موعد صلاة العيد الاضحى المبارك 2025:

موعد صلاة العيد الاضحى المبارك مهم لكل مسلم بيستعد لليوم العظيم ده، فسواء في القاهره أو في أي محافظه تانيه اعرف التوقيت المظبوط وشارك الفرحة مع الناس، العيد مش بس لبس جديد هو روحانيه وتكبير وسلام وفرحه تجمعنا كلنا في حب ربنا، وصلاة عيد الاضحى بتكون بعد شروق الشمس بحوالي 20 دقيقه وبتختلف من مكان للتاني حسب موقع المحافظه ودى اهم التوقيتات في بعض المحافظات:

• القاهرة والجيزه: الساعة 6:19 صباحًا
• الإسكندريه: الساعة 6:21.
• طنطا: الساعة 6:18.
• الشرقيه (الزقازيق): الساعة  6:16.
• المنصوره: الساعة 6:16.
• الفيوم: الساعة 6:22.
• بني سويف: الساعة 6:21.
• المنيا – اسيوط – سوهاج – اسوان: الساعة 6:25.
• مرسى مطروح: الساعة 6:31.
• بورسعيد – الإسماعيليه – دمياط: الساعة  6:11 – 6:13.

امتى تبدأ تكبيرات عيد الأضحى؟

تكبيرات العيد بتبدأ من غروب شمس يوم عرفه (ليله العيد) وبتستمر لحد دخول الإمام في الصلاه، يعني من اول ليله العيد نسمع التكبير في الشوارع في البيوت وفي الاسواق وده بيدي العيد طابعه المميز وبهجته اللي مفيش زيها.

صيغة تكبيرات العيد

الصيغه المشهوره لتكبيرات العيد في مصر هي:

• “الله أكبر، الله أكبر، الله أكبر، لا إله إلا الله.
• الله أكبر، الله أكبر، ولله الحمد.
• الله أكبر كبيرًا، والحمد لله كثيرًا، وسبحان الله بكرة وأصيلًا.

ليه مهم تعرف موعد صلاة العيد الاضحى المبارك؟

• علشان تلحق تنزل مع أسرتك من غير تأخير.
• تقدر تصلي في جماعه وتاخد الأجر كامل.
• تكبيرات العيد ليها طعم تاني لما تبقى مع الناس.
• وتقدر بعدها تزور قرايبك وتبدأ في الذبح لو ناوي تضحي .