محطات الاتوبيس الترددي وسعر التذكرة: خريطة كاملة تربط القاهرة الكبرى بشبكة ذكية

في خطوة جريئة لتطوير منظومة النقل الجماعي في مصر أطلقت الدولة مشروع الاتوبيس الترددي الكهربائي السريع على الطريق الدائري واللي بيعتبر نقلة حضارية جديدة ووسيلة مواصلات حديثة بتخدم ملايين المواطنين يوميًا، المشروع مش بس وسيلة نقل ده كمان ربط ذكي بين محطات في الاتوبيس الترددي ومحطات مترو الأنفاق ومحاور رئيسية ومواقف ميكروباص، واللي بيجعل الوصول لأي مكان في القاهرة الكبرى أسرع وأسهل من أي وقت مضى.

خريطة محطات الاتوبيس الترددي

تم اختيار محطات الاتوبيس الترددي بعناية شديدة لكي تغطي أكبر عدد من المناطق السكنية والتجاري، وتكون قريبة من خطوط النقل الجماعي الأخرى مثل المترو والمونوريل، المحطات موزعة على طول الطريق الدائري الذي يبلغ طوله أكتر من 105 كيلو ويضم أكثر من 50 محطة رئيسية منهم:

• محطة المشير طنطاوي.
• محطة كايرو فستيفال سيتي.
• محطة أكاديمية الشرطة.
• محطة عدلي منصور.
• محطة المرج.
• محطة منطي.
• محطة مؤسسة الزكاة.
• محطة الزهراء.
• محطة الوراق.
• محطة إمبابة.
• محطة بشتيل.
• محطة الطالبية.
• محطة الهرم.
• محطة المنيب.
• محطة سيتي سنتر المعادي.
• محطة الصيد.
• محطة مصر للطيران.
• محطة محور الحضارة.
• محطة مسجد المدينة.
• محطة عزبة الجزيرة.
• محطة محور 26 يوليو.

وغيرها من المحطات المنتشرة على كامل مسار الطريق الدائري، والهدف هنا هو إن كل محطة تخدم منطقة سكنية أو تجارية كبيرة وتكون نقطة ربط بين أكتر من وسيلة نقل.

الدخول والخروج لمحطات الأتوبيس الترددي

كل محطات الأتوبيس الترددي ستكون مؤمنة بنظام دخول ذكي من خلال أنفاق أو سلالم مشاه لتجنب عبور المواطنين للطريق السريع مباشرة، كما أن المحطات مزودة بـشاشات إلكترونية بتوضح زمن الوصول الفعلي لكل أتوبيس وزمن التقاطر اللي هيكون كل 10 دقائق تقريبًا.

نظام التذاكر في الاتوبيس الترددي

نظام التذاكر هيكون إلكتروني بالكامل باستخدام كروت ذكية أو الدفع الإلكتروني ولكي يناسب كل شرائح الركاب سيكون هناك نوعين من التذاكر:

• التذكرة الثابتة: بسعر يبدأ من 4 جنيهات لعدد معين من المحطات.
• التذكرة المرنة: بتعتمد على عدد المحطات أو المسافة المقطوعة (بالكيلو) وسعرها هيزيد تدريجيًا حسب المسافة.

مشروع مستدام وأخضر 100%

الأتوبيس BRT الترددي هو وسيلة نقل كهربائي نظيف بيهدف لتقليل التلوث وتقليل استخدام الوقود وتقليل الزحام والتكدس المروري على الطريق الدائري، المشروع كمان بيساعد في دمج الوسائل المختلفة تحت مظلة واحدة ويسهل على الناس التنقل بين أطراف القاهرة الكبرى والعاصمة الإدارية والمناطق الجديدة.